ОК Струмица 47&72 втора година во низа има апсолутна доминација во првенствата во сите возрасни категории кои се во организација на Одбојкарската федерација на Македонија.
По сениорите кои со 3:1 славеа во финалната серија над Штип УГД за одбрана на шампионскиот пехар во најсилната машка конкуренција, истото се случи и во младинските категории. Младинците, кадетите и пионерите сезонава исто така ги одбранија шампионските титули во дуелите со своите врсници.
Младинците на почетокот на мај со 3:0 во финалниот дуел го победија Борец, кадетите на Струмица 47&72 со 3:1 ја совлада Весна Пробиштип, за да се радуваат на пехарот, додека пионерите во финалето беа подобри од Борец во три сета.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
