Одбојкарите на Струмица ги продолжуваат настапите во европските купови. Откако испаднаа од Лигата на шампиони по поразот од грчки Олимпијакос, сега се насочени кон Купот на ЦЕВ каде утревечер во спортската сала Парк играат со Фино Капошвар од Унгарија. Станува збор за екипа со која струмичани имаат играно лани, но за разлика од тогаш сега состојбите се поинаку вели стратегот Кире Ричлиев. Според него екипата на Струмица е многу засилена од која лубителите на одбојката не само во Струмица туку и од Македонија очекуваат неколку скалила во ЦЕВ Купот.
,,Минатата година игравме со Фино Капошвар во Лигата на шампионите и изгубивме. Во овој состав од тоаш имаме само четири играчи што значи целосно е изменет составот. Нашата екипа е многу посилна од минатогодишниот меч. Успеаваме да составиме силен тим кој може да го победи секој противник. Имаме информации за Капошвар, добро го анализиравме и верувам во победа,, вели за Дрнка.МК Кире Ричлиев
Тимот на ОК Струмица пред настапот во ЦЕВ Купот во своите редови ги донесе браќата Никола и Ѓорги Ѓоргиеви и Александар Љафтов. Летово пак во таборот на Струмица се приклучија и репрезентативците Дарко Ангеловски, Филип Маџунков и Филип Лепидовски.
Мечот со унгарците е закажан во 19 часот во спортската сала Парк. нема да има влезници туку ОК Струмица остава на посетителите да донираат за развој на струмичката одбојкарска приказна
,,Овој пат, нема да има карти за влез! Наместо тоа, секој поддржувач ќе може да направи донација по свој избор и директно да помогне во развојот на нашиот клуб и одбојката во градот и државата. Ние играме за вас, вие помогнете да направиме разлика! Сите донации се добредојдени и одат кон подобрување на нашата одбојкарска приказна,, објавија од клубот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
