Вкупно пет репрезентативци ќе бидат во составот на ОК Струмица за европските настапи на македонскиот одбојкарски шампион. Стратегот Кире Ричлиев за мечот против грчки Олимпијакос освен на искусниот Владо Милев може да смета и на Филип Маџунков, Стојан Илиев, Филип Липидовски, Дарко Ангеловски членови на одбојкарската репрезентација на Македонија. За мечот од Лигата на Шампиони струмичани се засилија и со украинецот Роман Волков
Како што соопштија од клубот, Маџинков, Илиев и Липидовски ќе бидат дел од струмичкиот колектив цела сезона додека Ангеловски и Волков за европските купови. Маџунков во Струмица се враќа од белгиски Хасроде Леувен каде имаше добра сезона, додека Илиев се враќа дома по една сезона мината на Кипар во екипата на Анагениси а Липидовски од Србија
„Сега сме комплетни и интензивно се подготвуваме за првиот дуел со грчкиот Олимпијакос. Се радувам што ни се приклучија и засилувањата и се надевам дека до првиот натпревар со Грците на домашен терен на 17 септември ќе бидеме во топ форма“, кажа тренерот Кирил Ричлиев.
Првиот натпревар со Грците Струмица го игра на домашен терен на 17 септември, а реваншот е седум денови подоцна во Пиреа. Доколку нашите одбојкари не успеат да го поминат квалификациското коло, тогаш ќе настапат во Купот на ЦЕВ каде на 1 октомври ќе го очекуваат победникот од натпреварот меѓу Инсбрук и Капошвар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
