Викендов во Скопје ќе се одржи завршницата од Одобјкарскиот КУП. Ждрепката посака ланските финалисти Штип УГД и Струмица 47&72 оваа година да се сретнат во полуфиналето. Дуелот е закажан во петок а во вториот полуфинален дуел играат Борец и Работнички. Екипата на Струмица заради премин на генерации, во оваа завршница од Купот влегува подмладено што беше повод да разговараме со младиот и надежен одбојкар Атанасиј Делевски….
Дрнка.МК: Кој е Атанасиј Делевски во пет реченици
Делевски: Јас сум Атанасиј Делевски, ученик во средното училиште „Никола Карев“. Се занимавам со одбојка од мојата 8 година и активно тренирам во одбојкарскиот клуб Струмица. Во текот на овие години стекнав големо искуство и љубов кон спортот. Оваа сезона настапувам во сите категории што претставува голем предизвик за мене. Постојано работам на себе за да напредувам како играч и како личност.
ДрнкаМК: Како дојде љубовта кон одбојката
Делевски: Љубовта кон одбојката ја наследив од мојот татко, кој исто така играше во истиот клуб. Уште од мал го гледав како игра, а денес на истиот терен на истите трибини тој ме гледа мене. Тоа ми дава дополнителна мотивација и желба да напредувам.
Дрнка.МК: Оваа сезона за кои се екипи настапуваш во ОК Струмица
Делевски: Оваа сезона настапувам за ОК Струмица, каде што играм во сите категории од пионери до сениорската екипа. Тоа бара голема посветеност и напор, но истовремено ми дава можност за брз напредок. Секој натпревар е ново искуство и мотивација да продолжам да се занимавам со одбојката.
Дрнка.МК: Успеваш ли да одговориш на предизвикот школо, одбојка, младост
Делевски: Јас успевам да одговорам на сите обврски, но не лесно.Бидејки покрај одбојката и училиштето бара голем труд. Сепак мислам дека ништо не е невозможно и дека со мала организација и желба може да се успее во се.
Дрнка.МК: Шампионот Струмица има промена на генерации, може ли оваа подмладена екипа да биде во врвот на мак одбојката?
Делевски: Мислам дека смената на генерации е нормален процес во секој клуб. Нашата подмладена екипа има многу потенцијал и желба за докажување.Верувам дека со напорна работа и тимска игра може повторно да се вратиме на врвот на македонската одбојка.
Дрнка.МК: Репрезентативно?
Делевски: Моја голема желба е да заиграм за репрезентацијата.Работам напорно секојдневно, да го достигнам тоа ниво и еден ден да ја претставувам Македонија.
Дрнка.МК: Наредни одобјкарски желби, планови…
Делевски: Цел ми е да напредувам постојано и да играм на повисоко ниво.Сакам да донесам титули во овој клуб и да се развивам како играч овде, додека во иднина се гледам во странство, дел од посилен клуб.
Дрнка.МК: Имате порака до Ваштие врсници !?
Делевски: Бидете упорни и верувајте во себе затоа што со труд и дисциплина се постигнува се. Спортот гради карактер и не прави посилни.Никогаш не се откажувајте од вашите соништа.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
