Вкупно 74 екипи од Македонија, Бугарија, Србија и Романија ќе земат учство на вториот по ред „Пандев Куп 2019“ кој утре стартува за фудбалерите родени 2009 и 2010 година а идната недела ќе биде за повозрасните односно фудбалери од генерациите 2006, 2007 и 20008 година. На овој меѓународен турнир ќе учествуваат над 1.500 дечиња кои на повеќе терени ќе ги докажуваат своите вештини
Младите фудбалери од генерациите 2009 и 2010 од утре ги започнуваат дуелите и ќе се натпреваруваат во четири групи од по четири екипи, односно две групи од по шест екипи. Турнирот ќе заврши в недела на 24 февруари.
На 28 овој месец стартува и натпреварувањето за генерациите 2006, 2007 и 2008. Овие млади фудбалери ќе се натпреварувааат на терените во Струмица и Дојран, а турнирот ќе биде затворен на 3 март.
Меѓународниот турнир „Пандев Куп 2019“ е поддржан од Фудбалската Федерација на Македонија, Агенцијата за млади и спорт како и општина Струмица и општина Дојран.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
