Ниту еден млад земјоделец до 40 години од Југоистокот нема во списокот на МЗШВ и АФПЗР што ќе добијат подршка до 10 илјади евра од државата. Според информациите што ги добивме од Платежната агенција, во листата на добитници на неповратна помош, нема регистриран млад земјоделец од овој дел на држата со кој треба да се склучи договор за неповратна помош. Како што соопштија од Платежната или немало интерес за ова мерка или пак не им биле комплетни документите по распишаниот конкурс
За мерката ,,Помош на млади земјоделци” пристигнале 111 апликаци од кои 50 од нив ги исполнувале условите. Според конкурсот станува збор за мерка за млади кои се регистрирани како индивидуални земјоделци согласно законот за вршење на земјоделска дејност и Законот за пензиско и инвалидско осигурување, што значи дека земјоделската дејност им е главен извор за остварување на приходи.
,,Со нив ќе бидат потпишани договори за добивање финансиска поддршка во форма на неповратен грант, со вредност до 10.000 евра по корисник. Овие средства се обезбедени од Програмата за финансиска поддршка на руралниот развој и претставуваат иницијална поддршка од државата за младите земјоделци да можат полесно да започнат сопствен бизнис, да создадат нови брендови на пазарот, да инвестираат во нови дејности преку кои ќе ги реализираат своите идеи“ изјави заменик министерот Димковски.
Тој додаде дека сите одобрени грантови, се врз основа на добри деловни планови кои имаат развојна компонента, го таргетираат домашниот пазар, користат сопствени ресурси и имаат компонента за модерно производство, со примена на добри земјоделски практики и грижа за животната средина.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
