Oд утре Државниот завод за статистика ќе спроведе Пробен попис во 32 пописни кругови на територијата на 13 општини во државата. Пробен попис ќе се спроведе и во општините Радовиш и Валандово Пробниот попис претставува еден вид на симулација на вистинскиот попис при што Заводот ќе ги тестира сите инструменти потребни за спроведување на пописот, како и организациско-техничките аспекти на пописната операција.
Во пробниот попис, вработени на Државниот завод за статистика ќе излезат на терен, односно во избраните пописни кругови, и ќе ги тестираат методолошките и техничките аспекти на попишувањето. Ова во голема мера ќе помогне во откривањето на евентуални тешкотии кои би можеле да се појават во текот на попишувањето и ќе овозможи корекција на сите увидени недостатоци со цел да бидеме целосно подготвени за големата статистичка операција следната година, велат од Државниот завод за статистика.
Се повикува населението во избраните пописни кругови, со доверба да ги прими попишувачите од Државниот завод за статистика кои ќе имаат овластувања од директорот на Државниот завод за статистика, и со своите одговори да придонесат за што подобра подготовка за големата операција која нè очекува следната година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
