Oд понеделник (17 август) па до крајот на овој месец, на граничниот премин „Евзони“, во периодот од 6 до 22 часот по македонско време, влез во Грција ќе може да остварат само грчки државјани, државјани на трети земји кои имаат регулиран престој во Грција, дипломатски персонал и членови од нивните семејства, лица кои патуваат од медицински и деловни причини, а кои претходно биле најавени и добиле одобрување за патување, како и возачи на товарни возила.
Вака информираше МВР откако македонската граничната служба на преминот „Богородица“, од своите колеги од грчка странца добиле дополнителни информации за новиот протокол за влез во Грција, преку граничниот премин „Евзони“
За да остварат влез во Грција на преминот „Евзони“ лицата потребно е да приложат негативен PCR тест за Ковид-19 од сертифицирана лабораторија на англиски јазик, не постар од 72 часа. Исто така, останува обврската за претходна електронска најава и добивање на PLF документ (Passenger Locator Form).
Останатите гранични премини Дојрани кај Стар Дојран и Ники кај Меџитлија и понатаму остануваат затворени за секаков вид сообраќај.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
