Општина Богданци на својата веб страна објави дека од понеделник во општинскиот центар Богданци ќе има нов режим на сообраќај, бидејки неколку улици ќе бидат еднонасочни, заради што апелираа да сите учесници во сообраќајот да бидат внимателни и да се придржуваат кон поставените сообраќајни знаци.
Пред да се применува новиот режим на сообраќај во понеделник од 9-15 часот, улицата „Маршал Тито“ во Богданци од општинската зграда до Бреботекс ќе биде затворена за сообраќај, заради сообраќајно уредување се наведува во објавата. Од таа причина Општина Богданци ги повика граѓаните кои ги имаат паркирано своите возила во овој дел од главната улица, да ги отстранат за да непречено се постави новата хоризонтална сигнализација.
,,Новиот режим на сообраќај во Богданци. Ова значи дека улицата „Маршал Тито“ од општинската зграда до Бреботекс ќе биде еднонасочна. Еднонасочна ќе биде и улицата „Бранд Петрушев“ до спојот со улицата „Коста Поп Ристов“, улицата „Олга Петрушева“ како и дел од улицата „Изворски“ (од спојот со улица „Крушевска“ до спојот со улица „Маршал Тито“). Ве замолуваме да ги почитувате новопоставените сообраќајни знаци, со цел непречено и безбедно одвивање на сообраќајот во Богданци,, стои во објавата на општина Богданци
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
