Црвена вода истекува во каналот Водочница, по што надлежните инспекциски органи излегоа на терен за да констатираат кој и со што загадува. Ова го објави градоначалникот на Струмица Костадин Костадинов кој подвлече дека пријавата дошла од граѓани а од увидот е коснтатирно дека обоената вода се испушта од затворениот колектор за прифаќање отпадни води кој е дел од канализациониот систем во индустриската зона Север
,,При вршење на надзорот утврдено е дека истекувањето на отпадната вода настанува од затворениот колектор за прифаќање на отпадните води, кој е дел од канализациониот систем кој ја опслужува индустриската зона Север, што посочува на тоа дека отпадната вода е резултат на извршување на одредена стопанска дејност. Согласно така констатираната фактичка состојба, и поради тоа што станува збор за комунална инфраструктура од затворен тип, која не дава можност визуелно да се утврди изворот на отпадната вода, од страна на комуналните инспектори во присуство на општинскиот инспектор за животна средина ќе бидат извршени вонредни инспекциски надзори со цел откривање на можниот извор на отпадната вода,, објави градоначалникот Костадинов
При вршење на надзорот позади објектите на Шумското стопанство од страна на комуналните инспектори е затекнат фрлен леш од мртво животно (копитар), фрлено во коритото на каналот. Веќе било разговарано со ЈПКД Комуналец Струмица за да изврши подигање и соодветно одложување на лешот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
