Дури 70 одсто од шумските плодови на планината Беласица скапуваат и стојат неискористени иако преставуваат огромен потенцијал за отварање на преработувачки капацитети за производство на готови производи. Ова е констатцијата на откупувачите но и собирачите на шумски плодови од струмичко кои беа вклучени во проектот на „Заштита на биодиверзитетот и брендирање на шумските плодови на Беласица“ што го спроведува здружението ,,Натура Нова,, во партнерство со општина Струмица. Најголем проблем е што немало кој да ги собира шумските плодови од планината Беласица каде ги има во изобилстов, оти младите од подбеласичкиот регион се иселија.
Еден од ретките што собира чаеви, костени и боровинки е Митко Костов од населеното место Смоларе. Има 75 години и смета дека има заработувачка од собирање шумски плодови. Признава дека за разлика од пред неколку години сега на прсти може да се избројат лицата што собираат печурки, капини, костени, боровинки и други шумски плодови. Тој тврди дека дневно може да се заработува и по 10 илјади денари од собирање овошје.
,, Ако сака некој, има заработувачка оти за еден ден, лице може да собере околу 50 килограми боровинки и да заработи 10 илјади денари или една плата на една шивачка за цел месец. Не може постојано да се живее од ова работа меѓутоа да се заработи може, ако се сака. На Беласица има и малини и капини и печурки а и доста чаеви. Чаевите од Беласица се најквалитетните. Се се бара но нема кој. Јас собирам ама не многу, оти неможам,, вели Митко Костов од Смоларе
Дека нема собирачи на шумски плодови признаваат и откупувачите. Тврдат дека имало откуп а цените се прилино солидни но не може да се планира било што бидејки на терен нема работна рака што ќе сака за време на сезоните да собираат плодови од планината Беласица
,, Дури 70 одсто од производите кои може да се купат не се берат остануваат во Беласица.Едноставно скапуваат оти нема кој да ги собира а откуп има. Но за жал нема нема лица кои сакаат да ги собираат плодовите а има доста побарувачка на боровинки, малини, печурки, костени ,, кажа Блажо Стојков откупувач
Не мала е заработувачката и од собирање на печурки. Едно четиричлено семејство во текот на една година може од собирање на печурки да заработи и над 2 000 евра.
,, Потребна е промоција, маркетинг и продажба на производите од шумски плодови. Ако има преработки и производи од шумски плодови чија цена 4 пати ќе биде повисока отколку во свежа состојба, тогаш ќе се стимулираат и собирачите на шумски плодови’’, смета Панче Николов тим лидер на проектот од ,,Натура Нова’’
На завршната конференција денеска во Струмица беа презенитрани резултатите од 14 месечниот проект а општина Струмица покренува постапка за брендирање на производи и нивни преработки од 15 видови други шумски производи од планината Беласица,
,,Со реализацијата на овој проект, Општина Струмица е прва Општина во државава која поведе постапка за заштита на природата со одржливо користење на диворастечки-природни производи во својот регион, преку заштитени локални производи, брендирани како „Беласица – природен производ“. Се разбира, ваквиот позитивен пример треба да го следат и другите локални самоуправи во земјава’’, кажа градоначалникот Јаневски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
