Здружението „Медија Инфонет“ во Домот на културата ,,Бранд Петрушев“ во Богданци ја одржа и третата едукативна работилница наменета за ИПАРД програмата од која корист може да имаат земјоделците но и малите и средни претпријатија кои сакаат да го прошират својот бизнис. И во Богданци беше преставена програмата со сите нејзини чекори во однос на аплицирањето и бенефитите кои ги носи оваа програма која тежи приближно 100 милиони евра за периодот од 2022 до 2027 година.
На трибината присуствуваше и градоначалникот на Богданци Блаже Шапов кој го поздрави чекорот на „Медија Инфонет“ да се организира ваков настан на кој од прва рака може да се добијат информации за и околу можноста да се користат овие средства. Со оглед дека микро регионот во Богданци, Гевгелија и Дојран е земјоделски секоја иницијатива да се прошират капацитети е за поздравување а впрочем тоа го нуди и ИПАРД програмата
,,Сметам дека треба конутинирано да се едуцираме за оваа програма доколку сериозно сакаме да се занимаваме и инвестираме во агросекторот. Производството на храна од година во година добива на цена а ние како регион имаме потенцијал. Ова нека биде можност и мал исчекор во запознавање на Ипардот и европските фондови кои ни стојат на распоалгање,, кажа градоначалникот на Богданци Блaже Шапов
На присутните им се обрати консултантот Тихомир Петрески кој им ја објасни ИПАРД програмата на ЕУ. Конкретно се задржа на неколку точки во однос на тоа како може да се аплицира, за што конкретно, како тече постапката, кои трошоци се прифатливи односно сите можни чекори до Европските фондови за земјоделство и рурален развој. Тој подвлече дека програмата нуди огромни средства кои може да се слеат во македонскиот аграр и реален сектор но се потребни издржани проекти кои даваат можност за одржливо производство.
,, Постапката не е лесна но тоа не значи дека треба да се откажаме. Потребна е само визија, упорност доколку сакаме да го прошириме производството. Во земјава има доста консултанти кои може да помогнат. Треба добар издржан бизнис план. ЕУ дел од парите ги враќа што нуди можност за реинвестирање во своите капацитети“, кажа Петрески
Земјоделците и преставници од фирми кои беа присутни на работилницата во Богданиц што се организираше во Домот на културата, признаа дека многу малку стасуваат информации до нив за ИПАРД програмата. Побараа државните институции почесто да ги презентираат повиците, постапките, но и да помагаат во целиот тој процес.
Едукативна работилница во Богданци здружението „Медија Инфонет“ од Струмица ја организираше во рамките на проектот ,,Поврзи го Југоистокот за Европска иднина“ финансиран од ЕУ преку Евротинк, Алда и Бирц во земјава, од проектот ,„Медиумите за ЕУ“. Целта на проектот е да се „приближи“ ЕУ до граѓаните во Југоистокот преку ИПАРД фондовите но и заедничките земјоделски политики. (К.Ѓоргиев)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
