Браќата Џекови од Струмица кои минатата година од струмичкиот прволигаш се преселија во Силекс, имаа одлична сезона во дресот на кратовскиот прволигаш. Тие ја понесоа вицешампионската титула и со својот клуб ќе ја преставуваат Македонија во УЕФА Конференциската лига што ќе значи и клупски настап на Џекови на европската фуддбалска сцена на која како младински репрезентативци одамна играат.
19 годишните момчиња кои освен за Силекс играат и за младата репрезентација на Македонија веќе го привлекоа вниманието на целокупната фудбалска јавност. Љупче со своите голмански интервенции но и Ѓорѓе со својата игра . Тоа беше причината што Силекс професионално ги ангажираше и во наредните четири години.
Љупче Џеков последната сезона на мрежата за Силекс застана дури во 31 натпревар. Има одличен коефициент на одбрани и благодарение на неговите интервенции меѓу стативите, кратовчани се со најмалку примени голови – 19. Џеков добро котира и во одбраните на најстрогите казни и со право го вметнуваат за сигурен чувар на мрежата на македонската фудбалска репрезентација. Според трансфермаркт голманот Џеков на пазарот тежи околу 250 илјади евра .
,, Искрено како тим можевме и повеќе. Имавме можност да бидеме и шампиони на Македонија но среќата не не посака овој пат. Лично јас сум задоволен од мојот учинок. 16 меча без примен гол. Како екипа со најмалку примени голови во лигата за што сум избран голман на сезоната. Можев и подобро но ќе се трудам во иднина. Имаме краток одмор и почнуваме со подготовки за квалификациите од Конференциската лига,, ни изјави голманот Џеков
Неговиот брат близнак Ѓорѓе последната сезона во дресот на Силекс, настапи на 13 натпревари. Прикажа одлични партии на секој меч заради што во финишот од првенството беше сигурен во стартните единаесет на Силекс. И тој како и брат му е сигурен во младинската фудбалска селекција на Македонија а и неговата вредност на пазарот е стотици илјади евра.
,,Со Силекс завршивме како втори. Задоволен сум од прикажаното. Секогаш може повеќе, но чекор по чекор. Како што знаете го продолжив договорот со Силекс и ќе работам напорно да ги оправдам очекувањата. Имав репрезентативен настап и сега кус одмор во Струмица за да се фокусираме на излезот во Европа со Силекс во Конференциската лига“ вели Ѓорѓи
Браќата Џекови беа дел од струмичкиот прволигаш Академија Брера Струмица но минатата година во зимскиот преоден рок заминаа во Кратово. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
