Радовишката полиција во соработка со вработени од ЈП ,,Национални шуми’’ и шумската полиција од Радовиш, во дворно место од куќа пронашле и одзеле огревни дабови дрва кои најверојатно биле набавени на диво. Како што стои во известувањето од МВР, огревните дрва биле пронајдени во дворно место во сопственост на 58 годишен П.Р. кои немал никакви документи за потеклото на дрвата и истите биле одземени и предадени во ЈП ,, Национални шуми’’ во Радовиш.
,, Полициски службеници од Одделението за внатрешни работи Радовиш, во содејство со вработени во ЈП „Национални шуми“ подружница Радовиш и Шумска полиција Радовиш, во дворно место од куќа сопственост на П.Р. (58), лоцирана на регионален пат Радовиш-Конче, пронашле и одзеле огревни дабови дрва, без соодветна документација. Дрвата се одземени и предадени во ЈП „Национални шуми“ Радовиш, а по целосно документирање на случајот ќе биде поднесена соодветна пријава’’, стои во информацијата од МВР
Дека ќе има контроли по приватни имоти за бесправно сечени дрва најави и градоначалникот на Радовиш Герасим Конзулов кој побара зачестени и координирани акции за стопирање на дрвокрадството во ова општина
Фатен радовишанец со крадени дрва од Плачковица, ќе има контроли и по дворовите за да се утврди како дрвата се набавени
Ова не е прв случај да бидат одземени огревни дрва од приватен имот без потребна документација. Пред половина месец или поконкретно на 21.04.2020 полициски службеници од Полициска станица Радовиш во содејство со вработени во Шумска полиција Радовиш на имот на Љ.Ј.(62) на ул.„Готен“ во Радовиш пронашле бесправно исечени огревни дрва.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
