Паднаа надежите во вода дека тимот на Струмица ќе игра двомеч со турски Галатасарај. Во реванш мечот од ЦЕВ Купот струмичани претрпеа пораз од Капошвар во Унгарија со 3:0 а го изгубија и златниот сет со што се простија од оваа натпреварување.
Во Унгарија засилената Струмица загуби со идентичен резултат со кој славеше во салата Парк 3:0 во сетови. Унгарски Капошвар победата ја најави уште во првиот сет кој го доби со 25:19. Во вториот домакините се радуваа со 28:26 а во третиот со 26:24. Во вториот и третиот струмичани имаа водство (19:21 и 17:21)
Според правилата на ЦЕВ се пристапи кон Златниот сет во кој струмичани неможеа да парираат и го загубија со 15:11.
Во таборот на Струмица Никола Ѓоргиев оствари 26 поени. Маџунков и Љафтов реализираа по 9, а Владо Милев 7 поени. Кај Фино Капошвар извонреден беше новиот коректор, Кинезот Јанг кој средбата ја заврши со 27 поени.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
