Одбојкарите на Струмица го матираа УГД Штип со 3:1 во сетови и дојдоа до предност од 1-0 во финалната серија со бранителот на КУП титулата кој ја имаше предноста од домашен терен. Струмичани борбено го издржаа притисокот на Штип УГД и не се откажаа од целта одбрана на титулата, што го најавија уште во првиот сет.
Тимот на Струмица предводен од искусниот Владо Милев буквално знаеше што сака во натпреварот па го принуди домашниот состав на многу грешки. Првиот сет момците на стратегот Ване Ристоманов го добија со 25:23. Штипјани возвратија во вториот сет со 25:22. Во продолжението ,,струмичката машинерија“ со 25:19 и 25:21 ја однесе првата од потребните три победи за одбрана на титулата.
Вториот меч веќе се игра во Струмица во салата Парк. Одбојкарите на Струмица со поддршка на публиката ќе може да направи голем исчекор кон нов пехар и да ја продолжи доминацијата во мак одбојката.
Најдобар поентер кај Струмица беше Кинтеро со 16 поени, пред Нилсен со 15 поени, Владо Милев имаше 13 поени, додека Лепидовски заврши со десет поени.
Како што е познато одбојкарките на Наковски Волеј не успеа да се пласираат во финалната завршница за освојување на шампионатот откако беа стопирани во дуелот со Работнички од Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
