Македонскиот одбојкарски шампион Струмица ги доби противниците од Лигата на Шампионите. Тие се најдоа во групата 1 каде за противници ги имаат бугарскиот преставник Нефтохимик од Бургас, црногорскиот Будва како и унгарскиот Фино Капошвар. За првиот човек на стручниот штаб Кире Ричлиев станува збор за противници со кои може да се носат.
,,Добивме група по наша желба. Со исклучок на бугарскиот Нефтохимик може да се носиме со останатите екипи. Со Будва веќе добро се знаеме но по квалитет не отскокнува ниту унгарскиот Капошвар . Дефинитивно, фаворит е бугарскиот состав но максимално ќе се подготвиме за овој нов предизвик против сите три екипи. Натпреварите ќе се играат турнирски. До средината на Август ќе знаеме кој ќе биде домаќин на турнирот. Наше е максимално да се подготвиме и да ја презентираме македонската клупска одбојка и Струмица. Верувам дека може да направиме изненадување,, ни изјави стратегот Кире Ричлиев
Натпреварите би требало да се одиграт во октомври откако ќе се знае клубот домакин за натпреварите во секоја група. Првопласираните две екипи од секоја група ги продолжуваат натпреварите од Лигата на Шампиони. Инаку тимот на Струмица е бранител на двојната круна од последната сезона а лани на европската сцена играше со Динамо Апелдрон од Холандија и Младост од Хрватска.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
