Со свечена седница беше одбележан Денот на Општина Босилово на која беа доделени плакети на поединци здруженија и фирми кои дале придонес за афирмација на општината во повеќе области. Во присуство на граѓани, советници и поранешни градоначалници на седницата се обрати актуелниот градоначалник на општината Ристо Манчев кој подвлече дека развојот на Општина Босилово зависи од секој жител на ова локална самоуправа кој треба да даде свој ангажман за подобар живот на граѓаните.
,,Развојот на општина Босилово, зависи од секој од нас поединечно. Затоа, велам дека, секојдневно е потребно секој од нас да го дава својот личен придонес на културен, социјален и еколошки план. Секојдневно да ги нагласуваме и развиваме позитивните аспекти за развој на општината, да ја чуваме животната околина, да го чуваме онаа што е направено за добро на сите нас и со самото тоа ќе помогнеме кон севкупен развој на општина Босилово и ќе ја направиме општина Босилово, дом и пристојно место за живеење за секој нејзин граѓанин“, подвлече Манчев
Согласно донесената одлука за доделување општински признанија по повод Денот на Општина Босилово Плакети беа доделени на Коста Тимов од Босилово за особен придонес за работа со деца за аутизам, на Орце Тодоров односно за ФК Хоризонт Турново за придонес за развој на спортот и физичката кулутра, на Марјан Стоев односно КУД ,,Кирил и Методиј„ од Иловица кој одбележува 10 годишен јубилеј придонес за развој на културата додека за развој на литературата Плакета доби Наташа Стоилкова.
Општина Босилово додели и признанија за општествено одговорни фирми на АД Оранжерии и Тома од Радово
,,Апелирам, да собереме сила, да се обединиме, да ја искористиме секоја можноста и да создадеме подобра иднина, за поквалитетен живот, на сите нас! Да се избориме за поголем локален економски развој, подобра инфраструктура, поквалитетно образование и здравство, напредок на полето на културата и спортот“, подвлече Манчев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
