Во Подрачното одделение на Центарот за поддршка на згрижувачки семејства на СОС Детско село во Струмица се одржа настан по повод 1 јуни – Денот на згрижувачите во Македонија. Ова Подрачно одделение е дело на Центарот за згрижување и згрижувачки семејства СОС Детско село и општина Струмица која даде несебична помош и поддршка за сето тоа да функционира како што треба, за доброто на дечињата. За влогот на општина Струмица во ова одделение, пред присутните зборуваше Тони Милушев раководител на Одделението за ЛЕР во општина Струмица.
„Општина Струмица минатата година ги отстапивме овие простории во Повеќенаменскиот социјален центар без надоместок, а без надоместок се и другите услови за да може ова одделение да си ја врши својата дејност, односно да го афирмира процесот на згрижување деца без родители, но и за да пружи помош на оние семејства кои згрижиле деца. Препознавајќи ја потребата од ваквата услуга и големата заложба кога станува збор за згрижувачките семејства од страна на Општина Струмица, уште еднаш ја докажавме несебичната поддршка за давање поддршка на згрижувачки семејства. Во 2025 година покрај досегашната финансиска поддршка за ослободување од плаќање надомест за деца на самохрани родители за престој во детска градинка, ги опфативме и децата згрижени во згрижувачки семејства.
Врз основа на Одлуката донесена на Седница на Совет на Општина Струмица, се објави Јавен повик во кој беа дефинирани критериумита за сите кои можаат да аплицираат на оваа мерка. Согласно овој Јавен повик се ослободени две дечиња згрижени во згрижувачко семејство од плаќање надомест за престој во детска градинка. Нашата поддршка за згрижувачките семејства ќе ја продолжиме и надградуваме, затоа што секое дете заслужува да расте во семејство и да биде среќно„, рече Милушев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
