Големи се штетите од завчерашното невреме со град што го зафати струмичкиот регион. Беа погодени атарите на повеќе населени места во општините Василево и Босилово при што беа уништени посеви со зелка и други култури а штети се регистрирани и по пластениците. Најпогодени се атарите на Едрениково, Владевци, Градашорци, Василево, Пиперево, Сарај, Гечерлија, Чанаклија но и во дурги населени места.
,, Штетите се 100 %. Ништо не остана од зелката што ја имавме на отворено. Освен засеаното штети имаме и по оранжериите, пластениците“, коментираа земјоделци од овие села кои сведочат дека такво време не паметат.
Општина Василево на вонредна седница донесе одлука за формираше две Комисии за проценка на штетите врз земјоделските култури Земјоделците од Општина Василево кои имаат штета, истите да ги пријават до 20 ти мај. Барањата може да се најдат ТУКА
Штети врз земјоделските посеви од невремето може да поднесуваат и граѓаните односно земјоделците од Општина Босилово. На седница на Совет и тие донесоа одлука да се активира комисијата и да врши проценка на штетите од невремето проследено со град а земјоделците да ги пријавуваат. (В.Т./фото ФБ)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
