Повеќе од три години се чека согласност од Исламската верска заедница (ИВЗ) за сондажни испитувања на Орта Џамија во Струмица за да се изготви проект за санација и заштита на објкетот бидејки на куполата и околните ѕидови се појавија огромни процепи и преставуваат опасност да се сруши. Станува збор за џамија под која и наоколу има остатоци од православен храм а под него се пронајдени и остатоци од античко светилиште за што низ годините археолозите постојано истражуваа и дојдоа до значајни артефакти, икони и мозаици.
,, Овој проблем сакаме да го решим е 4-5 години не само за самиот објект туку и заради двата културни слоја што се пронајдени под и околу џамијата. Овој комплекс е прогласен за споменик на кулутрата, но е затворен бидејки е небезбеден. Се појавија пукнатини на куполата кои се проширија и по страничните ѕидови. Имаме започнато постапка за проект за санација. Јавната набавка го зеде Инстутот за земјотресно онженерство и сеизмологија (ИЗИС) кои требаше да изготват проект. Од таму направија десетина анализи, но проблемот запна кај сондажните испитувања за да се утврдат тектонските поместувања. Но сеуште немаме добиено дозвола од ИВЗ ,, вели Ацо Манински директорот на Заводот и музеј Струмица
Од ИВЗ нема одговор зошто не се дава согласност да се прават испитувања на темелите на џамијата од страна на ИЗИС за да се направи проект за заштита на објектот. Директорот Манински вели дека од таму барале потврда односно гаранција дека по санацијата џамијата да ја користатт за свои цели, иако станува збор за комплекс со повеќеслојно арехолошко богатство и како музеј не се законски овластени за таква работа, бидејки нивната задача е првенствено заштита на културно историските споменици
,, Од ИВЗ ни бараат официјален документ дека како гаранција која законски неможеме да ја дадеме, за да објектот одпосле го користат за сопствени цели. Нашата инситутција не може да издаде таква согласност бидејки ние се грижиме за заштита на културното наследво, но тие бараат гаранции, ни потураат документ со кој ние како институција им дадеме дозвола да го користат за свои цели ,, рече Манински кој вели дека министерството им дава пари за таа намена секоја година но тапкаат во место оти ИВЗ не дава дозвола за сондажни испитувања
Орта Џамија е археолошки комплекс кој е вклучен во Списокот на културно наследство на Македонија и не смее да се користи за други цели. Во досегашните истражувања биле пронајдени наоди од хеленистичкиот, римскиот и средновековниот период, но за жал и потнатаму е затворена за посетители.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
