Повеќе минути траеше аплаузот и овациите за филмот „Диџеј Ахмет“ на режисерот Ѓорѓи Унковски со кој беше затворен фестивалот на филмска камера во Битола „Браќа Манаки“. Како што е познато филмот е снимен и во радовишко а дел од улогите ги толкуваат млади кои се од овој крај.
На сцената во полната фестивалска сала излегоа речиси целата фимкса екипа – режисерот Унковски, кинематограферот Наум Доксевски, актерите Ариф Јакуп, Дора Акан- Златанова, Агуш Агушев, продуцентот Иван Унковски и други членови од екипата.Ова беше и македонска фестивалска премиера на филмот, кој од 1 октомври ќе почне да игра во кината низ Македонија
Станува збор за филм на турски и македонски јазик снимен во радовишките села Коџалија и Али Коч но и во Скопје. „Диџеј Ахмет“ е драма со приемси на комедија за 15 годишно момче од јуручко село од Радовиш кој ја сака музиката и сонува да стане диџеј при што се судира со очекувањата на татко му и традиционалните вредност на неговата јуручка заедница како и првата негова љубов – девојка која веќе е ветена на некој друг.
Фото ФБ International Cinematographers’ Film Festival MANAKI BROTHERS
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
