На општинската веб страна на Струмица објавен е распоредот на сите автобуски линии со постојки и саатници на ЈП Струмица Транспорт. Станува збор за вкупно 10 линии на кои ќе се движат електричните автобуси како редовно така и за време на викендите и празници. За сите од нив може да се виде детално од каде тргнува автобусот и по која рута ќе се движи при што со табели и графика јасно е нагласено на која постојка (каде) во колку часот ќе биде електричниот автобус.
Сите графикони, табели со линиите, постојките и саатниците (каде и во колку ќе застануваат автобусите) може да се видат ТУКА
На истиот линк може да се види и ценовникот што го објави ЈП Струмица Транспорт за ова година при што истакнуваат која е реалната цена, колку Општина Струмица субвенционира и кои се крајните цени за сите линии по категории на патници
ЛИНИЈА 1 – Вељуса ↔ Градско Балдовци: Линија 1 ги поврзува Вељуса, Водоча и Баница со центарот на Струмица и индустриската зона кај Градско Балдовци. Превозот се одвива во два правци – кон градот и назад – со редовни термини во текот на целиот ден. Линијата е наменета за секојдневен превоз на ученици, вработени и локални жители.
ЛИНИЈА 2 – Струмица ↔ Просениково: Линија 2 ја поврзува Струмица со Просениково, овозможувајќи редовен превоз за жителите на ова населено место. Линијата минува низ центарот на градот, како и низ клучни населби и објекти. Се користи од ученици, работници и мештани за секојдневно патување до градот и назад.
ЛИНИЈА 3 – Струмица ↔ Куклиш ↔ Банско: Линија 3 ги поврзува населените места Куклиш и Бањско со Струмица, овозможувајќи лесен пристап до градот за жителите на овие села. Се користи за секојдневни потреби како училиште, работа, здравствени и административни услуги.
ЛИНИЈА 4 – Струмица – Дабиле – Муртино – Банско: Линија 4 е погодна за патување до бањите и околните населени села, особено во делот на Дабиле и Бањско. Патниците имаат удобна можност за поврзување со централните и административните зони на Струмица.
Линија 4А Струмица – Сачево: Оваа линија воспоставува поврзаност меѓу централниот дел на Струмица и населено место Сачево. Патувањата се одвиваат во повеќе термини низ денот, со редовни застанувања на клучни локации како Автобаза, Монополо, Есперанто и други, овозможувајќи пристапност и практичност за секојдневните патници.
ЛИНИЈА 5 – Градска кружна линија: Оваа линија претставува кружен градски превоз кој ги поврзува сите значајни точки во градот – училишта, институции, болници и станбени населби. Совршен избор за брз и организиран градски превоз во текот на целиот ден.
ЛИНИЈА 6 – Струмица – Раборци – Костурино Линија 6 нуди поврзување на селото Костурино со центарот на градот. Идеална е за редовен превоз на жители кои имаат обврски во образованието, работата или за секојдневни активности во Струмица.
ЛИНИЈА 7 – (Викенд и Празници) Линија 7 ја поврзува Вељуса со Струмица, Дабиље, Муртино и завршува во познатото село Банско. Предвидена за викенди и празници, оваа линија им овозможува на граѓаните полесен пристап до нашиот туризам, рекреација и посети на блиските села.
ЛИНИЈА 8 – КОСТУРИНО ↔ СТРУМИЦА ↔ ПРОСЕНИКОВО ( САБОТА) Линија бр. 8 е дел од јавниот превоз на Општина Струмица и сообраќа секоја сабота на релација Костурино – Струмица – Просениково и обратно. Автобусот поаѓа три пати дневно во двете насоки и застанува на повеќе станици низ градот и околните населени места.
ЛИНИЈА 5 – ГРАДСКА КРУЖНА ЛИНИЈА (ВИКЕНД И ПРАЗНИЦИ) Градската кружна линија функционира и за време на викендите, овозможувајќи редовен превоз до важни локации низ Струмица. Таа е особено корисна за граѓаните кои патуваат до пазар, центар, здравствени установи или други јавни простори за време на слободните денови.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
