Струмичкиот карневал годинава ќе се одржи на 1 ви март на кој ќе учествуваат повеќе маскирани лица од земјава и странство. Според објавената програма од страна на организаторите, карневалските денови треба да започнат на 26 ти феврурари со предавањето на клучот на градот од градоначалникот на карневалистите па се до 5 ти март празникот на армасаните Тримери.
Со предавањето на клучот предивдени се две изложби на маски. Едната по повод 35 години карневалот во организирана форма а вотрата со маски од училиштетот ,,Димнитар Влахов“. Следниот ден на 27 февруари ќе се одржат два концерти под маски на Музичкото училиште „Боро Џони“. Истиот ден ќе се објават и резулатите од темата за проза и поезија за карневалот во организација на Библиотеката „Благој Мучето“.
В петок, на 28 февруари, ќе одржи традиционалниот маскенбал, на кој се избираат принц и принцеза на Карневалот, кои заедно со кралската свита ќе ја предводат Интернационалната карневалска поворка на главната карневалска вечер на 1 март во 18:30 часот.Детскиот карневал се одржува традиционалнао на празникот Прочка, в недела на 17 март,
Чист Понеделник ( 3 март) карневалските празнувања продолжуваат со варење и консумирање на традицоналниот бел грав, а ќе бидат објавени и резултатите за најуспешните маски од интернационалната карневалска вечер. Во НУЦК „Антон Панов“ во Струмица ќе биде отворена и традиционалната изложба на карикатури и афоризми и ќе бидат доделени наградите на најуспешните. Во вторник ќе има корзо со маските и ќе бидат доделени наградите а во среда се Тримерите празникот на армасаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
