Во рамките на одбележувањето на јубилејот ,, 1000 години Радовиш’’ од 11 до 13 октомври ќе се оддржи манифестацијата „Самун ем татлија“ што седма година по ред се одржува во Радовиш. Истата е во организација на Центарот за култура ,, Ацо Караманов’’ а под покровителство на општина Радовиш. Тие ја објавија тридневната музичка програма што ќе се оддржи на паркинг просторот на ,,Орел’’ како и минатата година
,,Самун ем татлија’’ започнува во петок на 11 октомври со настап на Троја со Сантана проект, по што гостите ќе ги забавува ,,Слаткаристика’’ а првата музичка вечер ќе ја заокружи Влатко Лозановски и неговите хитови. Следниот ден сабота на програмата е Антониа Гиговска а веднаш по неа ќе пее Јелена Роза а вечерта ќе ја затвори Дејан Петрович со Биг Бенд. Манифестацијата ,,Самун ем татлија’’ завршува во недела на 13 октомври . Според објавената пограма тогаш ќе настапата Горан и Ленче Кукиќ со групата ,,Јупитер’’ и Мирза Селимовиќ кој ќе ја има честа да го затвори годинашново седмо по ред издание на ова музичко забавна манифестација.
За овие три дена во Радовиш се очекуваат голем број гости и посетители кои ќе ги дегустираат двата радовишки специјалитети самунот и татлијата но и да уживаат во музичката програма која според организаторите е за разновидна за сите генерации.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
