Пролетната зелка во Струмичко во наредните две недели да се откупува по цена од 35 денари, што е за пет денари помалку од цената во минатата недела. Ваков договор постигнале присутните трговци откупувачи со министерот за земјоделство шумарство и водостопанство Цветан Трипуновски на вчерашната средба во Сириус. Веста ја потврди и Драги Памуков претседателот на потсекторската група за градинарство.
,,По ова цена зелката треба да се откупува до 15 ти април а во меѓувреме доколку се забележат било какви аномалии или задкулисни ,,ценовни“ игри, тоа да се пријави кај земјоделскиот инспекторат, кој од денес ќе биде и со засилени контроли,, ни изјави Драги Памуков
Намалувањето на цената се должи заради зголемената понуда на пазарите каде се извезува струмичката зелка која најмногу завршува во Украина, Полска, Чешка, Хрватска. Досега се извезени околу 17 илјади тони додека во последната недела од овој регион биле извезени околу 6 илјади тони зелка.
Минатата недела исто така имаше средба при што беше договорено откупната цена да биде 40 денари .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
