Центарот за истражување и анализи НОВУС од Струмица деновиве во земјава ја промовира дигиталната платформа ,,Изборен навигатор“ за да можат граѓаните откријат која политичка партија им одговара на нивните вредности и убедувања за полесно да направат избор на престојните избори. Станува збор за веб страна каде граѓаните одговараат на 30 прашања и врз база на одговорите се прави пресметка кој претседателски кандидат одговара на нивните вредности и убедувања како и на која политичка партија..
,, Преку серија на кампањи во градовите од Југоисточниот, Полошкиот, Пелагонискиот и Североисточниот регион ја промовираме нашата официјална страна Изборен Навигатор каде граѓаните може да ги проверат своите ставови до кој кандидат за претседател или политичка партија најмногу тежнеат. Овој проект има за цел да ја засили демократијата во земјата со фокус на политичкото образование и обука, регистрација на гласачите и образование за гласачките права на сите граѓани, а особено на млади новорегистрирани гласачи, како и вклучување на младите во демократскиот процес.,, вели Борче Ризовски проектен асистент
Апликацијата нуди можност за персонализирано искуство за политичко откривање врз база на анализата на одговорите што се даваат на клучните прашања. На тој начин се пресметуваат Вашите политички позиции и Ве класифицираат со партии кои ги делат Вашите гледишта. Изборен навигатор нуди и можност за информирање, дали граѓаните ги има на избирачкиот список, кој се може и како се гласа, улогата и значењето на ДИК, за изборниот систем, претседателските и парламентарните избори.
,, До сега над 3100 граѓани од цела Македонија го провериле својот став на Изборен Навигатор и тоа со најголем процент на испитаници од Пелагониски регион. Одговорите се шаренолики и интересни, така што исказите на кои одговараат граѓаните се пресметуваат според Ликертовата скала. Сеуште е рано да се утврди финалната бројка и точни резултати на идеолошката позиционираност , но сепак има доста добар фидбек и интерес од страна на граѓаните, вели Елисавета Џурновска теренски работник.
Платформата Изборен Нaвигатор е проект на Центар за истражување и анализи
НОВУС, финансиски поддржан од National Endowment for Democracy. За да утврдите каде идеолошки политички припаѓате кликнете ОВДЕ и одговарајте на прашалникот (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
