Со средства од Бирото за регионален рамномерен развој обезбедени од Центарот за развој на Југоисточниот плански регион, се асфалтира локалниот патен правец Колешино – Бориево со што општините Ново Село и Босилово добиваат уште едно патно поврзување. Како што информираше градоначалникот на Ново Село – Никола Андонов станува збор за патен правец од кој бенефит ќе добијат жителие на двете општини посебно земјоделците од овој реон на кои им се олеснува и пристапот до обработливите површини.
,,Станува збро за локален патен правец од 6 300 метри а досега се асфалтирани околу 3 200 метри. Се надевам дека заедно со општина Босилово идната година ќе најдеме дополнителни средства за да го реализираме целиот патен правец, кој е економски оправдан бидејки не само што поврзува две општини туку е и од голема корист за земјоделците кои ќе имаат можност не само за подобар пристап туку и за полесен пласман на своето производство,, кажа градоначалникот на Ново Село Никола Андонов
Инаку од страна на општина Ново Село беа асфалтирани околу 1 500 метри додека од страна на општина Босилово околу 1 700 метри. Преостануваат да бидат асфалтирани уште 3 километри .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
