Првиот човек на општина Струмица Костадин Костадинов заедно со преставници на Советот и вработени од урбанизмот денеска извршија увид во градежните активности за изградба на повеќенаменското игралиште во кругот на АРМ. Како што кажа градоначалникот работите се во завршна фаза а проектот вреден 7,6 милиони денари предвидува и ново патно поврзување со Домот на АРМ од улицата 11 Октомври, со што ќе се затвори пристапот од кај улицата Ванчо Китанов.
Инаку тендерот за изградба на ова повеќе наменско игралиште беше објавен во август минатата година. Се пријавија пет градежни фирми од кои најдобра понуда достави фирмата Дикор ЦД од Струмица.
,,Веќе е направена земјишната подлога за работа на игралиштето, ставена е подземната инсталација, направени се бетонските огради со метални столбови на коишто треба да биде врзана оградната мрежа. Во моментов се работи на пробивање на пристапната улица до Домот на АРМ со што решаваме уште еден проблем во однос на безбедноста на пешаците, го затвораме стариот пристап до домот на АРМ и влезот за било какви потреби ќе биде од оваа улица којашто сега се реализира. По завршувањето на оваа фаза преминуваме кон асфалтирање на подлогата на игралиштето и во завршна фаза ќе биде поставувањето на акрилен премаз заради потребите на игралиштето со што го финишираме и овој значен проект за граѓаните на општина Струмица,, рече градоначалникот Костадинов кој на својот ФБ профил напиша дека треба теренот да биде готов за 30 тина дена
Костадинов подвлече дека е предвиден и мал паркинг а веднаш до игралиштето на местото на фитнес зоната која е дотраена ќе се гради рекреативен скејт парк за потребите на најмладата категорија струмичани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
