Нови 39 позитивни лица на вирусот ковид-19 се забележани во последните 24 часа во Струмица и регионот, едно лице починало а 17 се оздравени. Ова е дневната ковид статистика што ја соопшти министерството за здравство од каде информираат дека во последното деноноќие од 2.864 тестирања регистрирани се 1.160 нови случаи на ковид-19 во земјава а починале 30 пациенти
Со последните 39 позитивни, од почетокот на пандемијата во Струмица и регионот досега заболеле 1636 лица а во моментов има точно 600 активни случаи. Според евиденцијата на здравствените власти од компликаици од овој вирус во овој регион досега починале 56 лица
Вкупно ковид дијагностицирани во нашата земја од почетокот на епидемијата се 58.608, оздравеа 36.064, починаа 1.630, а активни случаи се 20.914.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
