Општина Струмица на својата веб страна го објави јавниот повик за избор на нови членови на Организациониот одбор на Струмичкиот карневал. Како што стои во повикот, карневалскиот одбор во Струмица ќе брои 17 членови од кои 10 ќе се избираат од пријавените на јавниот повик додека останатите седум ќе бидат номинирани од институции кои директно или индиректно се поврзани со организацијата на ова културна манифестација.
,,Градоначалникот на Општина Струмица врз основа на предлогот на комисијата носи
Решение за избор на 17 членови во Организациониот одбор на струмичкиот карневал,
од кои 10 членови ќе се изберат од пријавените кандидати од јавниот повик,
останатите 7 ќе бидат назначени од институциите инволвирани во организација на
Струмичкиот карневал (СВР Струмица, НУЦК Антон Панов – Струмица, НУ Завод за
заштита на спомениците на културата и музеј- Струмица, Црвен Крст – Струмица, ОМУ
Боро Џони – Струмица и Општина Струмица) со мандат од 4 години. Од редовите на
избраните членови на Организациониот одбор на струмичкиот карневал, ќе биде избран еден член кој ќе ја врши функцијата Претседател на Организациониот одбор на
струмичкиот карневал“, стои во Јавниот повик
Инаку Општина Струмица ги повика сите граѓани вљубеници во карневалската традиција да аплицираат на јавниот повик и со своето учество да придонесат во организацијата на ова значајна културна манифестација. Рокот за пријавување на јавниот повик е 14 дена, почнувајќи од денес, 10 јуни 2025 година.
Досегашниот карневалски одбор беше разрешен на првата седница на Советот на Општина Струмица а градоначалникот Костадин Костадинов нивното разрешување го побара по маскенбалот кога кажа дека карневал е составен дел на нашиот идентитет и никој нема право да го чепка, разурнува или да го партизира.(В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
