Откупот на тутун во струмичко влегува во завршна фаза. Околу 90% од производството веќе е предадено, но просечната цена од 195 денри по килограм е под очекувањата на тутуно производителите, посебно ако се имал во предвид квалитетот кој бил далеку подобар во однос на претходните години.Од здружението на тутуно производители Басмак од Василево велат дека ваквата ситуација која се повторува веќе неколку сезони била причина за постојаното намалување на производството. Поради разочарувањето од ниските цени многу од производителите размислувале за дополнително намалување на површините, а некои од нив и за целосно напуштање на оваа култура.
Според проценките на здружението Басмак во последните неколку години производството на тутун во струмичкиот регион бележи намалување за околу 30%. Доколку не дојде до некакви промени и тутуно производителите го остварат нивните најави, не ја исклучуваат можноста површините со тутун во регионот да се намалат и за 50%.
извор: Сител ТВ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
