Никола, Бранкица и Олга од ДСУ „Никола Карев“ од Струмица креираа веб страна кој дава одговор, какво време може да очекуваме за некој настан што го планираме во иднина. Прогнозата се прави врз основа на анализа на достапни податоци за последните 40 години. Со оваа апликација тие го освоија третото место на глобалниот НАСА предизвик што се одржа во Струмица.
,,Сакате да планирате настан па зошто да не го правите тоа со нашата веб апликација која може да Ви даде одговор кави ќе бидат временските услови. Инаку оваа папликација може да најде примена во осигурувањето, агросферата“ вели Никола Настев
Побаравме да ни кажат какво време може да очекуваме во Ангелци на одредена дата за да реализираме настан на отворено. Олга веднаш даде одговор дали ќе биде погодно времето.
,, Имате 10 % ризик дека ќе биде ладно. Во наведениот термин ќе нема дожд ниту снег. Еве какво беше времето последните години во овој период“, вели Олга Димитријева
Тројцата средношколци речиси секојдневно се на компјутерите. Тие се дел од електротехничката струка – образовен профил компјутерска техника и автоматика. Бранкица вели дека оваа струка нуди голем просперитет
,, Не се каам што се запишав пред четири години на оваа струка. Повеќе сум за програмирање. Целта ми е да креирам софтверско решение кое ќе биде во интерес на голем број граѓани“ вели Бранкица Ѓеоргиева
Што велат младите средношколци од ДСУ „Никола Карев“ идните програмери ……
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
