Екс градоначалникот на Општина Ново Село и бизнисмен Никола Андонов е адутот на владејачката СДСМ за предвремените градоначалнички избори што ќе се одржат во ова општина паралелно со претседателските на 21 идниот месец. Вака одлучи централното раководство на СДСМ во координација на сите кандидати кои доставиле програма за Градоначалник за престојните избори. Како што дознаваме одлуката била донесена на ниво на ОО на СДСМ во Ново Село, каде бил и лидерот и премиер Зоран Заев.
Никола Андонов беше градоначалник на Ново Село во периодот од 2005 до 2009 година. Роден е и живее во Колешино. Основач е на компанијата Колид. Според информациите на Дрнка.МК тој на сите интерни анкети имал најмногу доверба како од партиското членство така и од граѓаните на општина Ново Село. Во игра за кандидат за градоначалник на Ново Село беа десетина кандидати кои на денешниот состанок му ја дале довербата Никола Андонов со оглед на неговата биографија со многу успеси
Андонов во својот мандат до 2009 тата успеа да ја екипира општина Ново Село со сите потребни одделенија и тела. Го постави костурот на функционирање и развој на општината а заедно со неговите колеги од Босилово и Василево ја формираа и заедничката општинска администрација, проект што беше поздравен и пофален од УНДП и сите министерства во државата.
ВМРО ДПМНЕ сеуште нема утврдено кандидат за престојните градоначалнички избори во Ново Село . Во игра се повеќе. Се споменуваат имињата на акутелниот претседател Николче Стоилков, но и на советничката Павлинка Георгиева, на екс пратеникот Ромео Тренов но и на Пепи Марков од Унијата на млади сили
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
