Не сме повеќе невидиливи и не радува фактот што заедницата полека не прифаќа. Вака коментираа од Здружението за поддршка на лица со Даунов синдром „ВЕРА“ кое деновиве одбележа јубилеј, десет години постоење. Тврдат дека нивната борба за правата на своите деца пред институциите дава плод и состојбите веле не се исти како пред десетина години кога неколку жени, борци за своите деца со Даунов синдром, незадоволни од третманот на институциите кон нив, го формираа здружението „ВЕРА“
Четири изложби на слики од лица со попреченост, четири штафети на еднаквоста во Струмица, Радовиш, Валандово и Гостивар, три акции ,,Нахрани 10.000” во соработка со Црвениот крст, три модни ревии на децата кои беа придружувени од јавни личности се дел од реализираните настани на здружението ВЕРА во изминатите десет години.
Се надеваме дека ќе ги мотивираме луѓето и во останатите општини да го следат нашиот пример, да одвојат време за лицата со попреченост, да се потрудат да организираат настани на кои ќе се пренесе пораката дека овие деца постојат и заслужуваат еднакви можности – ни изјави Анче Туфекчиева, која е една од жените – основачи на здружението.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
