,,Не наседнувајте на вести со бомбастични наслови како што се Шокантно, Скандалозно, бидејки тие се за привлекување кликови и за да заработат пари а не да понудат квалитетна информација’’. Ова е пораката на првото видео што го изработи Центарот ,,Мулутс’’ од Гевгелија во рамките на проектот “Сите вистини на веста” за да им се објасни на читателите дека секоја вест не е вест, туку преку ваквите вести без соодветни содржини, единствено се собираат само кликови.
Центарот ,,Мултус’’ од Гевгелија во соработка со продукцијата Диверзија која ги создава видеата со Дејан Малзарков, на еден оригинален начин укажуваат дека вестите на интернет сајтовите со вакви наслови, доведуваат до манипулација и кај читателите и медиумите, бидејки секогаш ваквите вести не нудаат никаков новинарски продукт туку само наслов за кликање.
,,Проектот ,, Сите вистини на веста’’ е дел од големиот проект “Критинк”, финансиран од Европската унија, а спроведуван од фондација Метаморфозис и Еуротинк – Центар за европски стратегии и има за цел да ги навикне читателите и гледачите да размислуваат критички кон информациите кои се пласираат. Проектот треба и да ги научи како да препознаваат одредени манипулации. Првото видео зборува за сите шокантни наслови, кои се дел од состојбата наречена ,,клик беит’’ или на македонски, собирање на кликови. Мултус и Диверзија преку четири комични видеа ќе ги презентираат “вистините” на вестите,, ни изјави Лиле Танчева од Центарот Мулутс
Медиумски партнери на проектот ,,Сите вистини на веста’’ се Радиот Тајм ФМ и Телевизија Нова од Гевгелија како и информативниот портал Дрнка.МК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
