,,Фолк Фест Валандово’’ годинава нема да добие пари од годишните програми на Министерството за култура како поддршка за организација и негово одржување. Во објавените резултати од годишните конкурси за финансирање проекти од национален интерес го нема овој Фестивал кој има децениска традиција и ја негува македонската новокомпонирана народна песна. Од министерството за култура потврдија дека овој Фестивал го нема во проектите што ќе добијат пари за ова година од причина што организаторите, место во областа Фолклорна дејност конкурирале во областа Музичко сценска дејност
„Фолк-фест Валандово“ е еден од нашите најреномирани фолк фестивали со голема традиција. Овој фестивал е ризница на трајни вредности за македонскиот фолклор, и со жалење можеме да констатираме дека е точно дека поради занемарување на Годишниот конкурс за финансирање проекти од национален интерес од областа на фолклорот за 2022, Општина Валандово конкурирала на Годишниот конкурс за музика и музичко-сценска дејност. Затоа, стручната комисија која одлучувала за пријавата за „Фолк-фест Валандово“ го одбила проектот, бидејќи тој по својата содржина и суштина припаѓа на фолклорната дејност. Секој одбиен апликант има право на жалба во рок од 15 дена по добивање на Решениото,, стои во информацијата на Министерството за култура
,,Фолк Фест Валандово” по пауза од две години се планира да се одржи во мај годинава. Во моментов до 28 февруари тече конкурсот за песни од домашни и странски автори. Градоначалникот Перо Костадинов вели дека Фестивалот годинава ќес е реализира. Тие го планирале и во апликацијата ,,Валандово град на културата за 2022 година. Доколку бидат одбиени фестивалот ќе го реализираат со свои пари.
,, Независно дали ќе добиеме или не пари, Фестивалот ќе го реализираме со сопствени средства. Тој годинава одбележува 35 години постоење и ние како локална самоуправа имаме предвидено средства во Буџетот за ова намена. Се надеваме дека годинава Валандово ќе биде град на културата каде како проект фестивалот е вметнат во годишната програма,, кажа градоначалникот Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
