Делегацијата на Европската Унија и мрежата на Јуроп хаус низ Македонија организира хуманитарна трка насловена „СИТЕ ЗА КОЧАНИ – ТРЧАМЕ ЗАЕДНО!“. Трката ќе се одржи на 25 мај во Струмица како еден од седумте града каде ќе се трча како дел од одбележувањето на Денот на Европа.
„СИТЕ ЗА КОЧАНИ – ТРЧАМЕ ЗАЕДНО!“ е хуманитарна иницијатива во која може да учествува секој, без разлика на возраста или физичката подготвеност. Трките се наменети за сите: рекреативци, спортисти, аматери, помлади и повозрасни, бидејќи не се работи за километри, туку за солидарност. Пријавувањето е отворено и може да се врши преку платформата https://sitezakocani.mk, каде што секој заинтересиран може да избере град и да стане дел од најважната трка оваа година. Сите средства собрани од котизациите ќе бидат донирани преку Црвениот крст, кој ќе ги насочи кон заедницата во Кочани, осигурувајќи дека секоја донација ќе оди таму каде што е најпотребна.,, се вели во повикот на организаторите
На 25 мај, истовремено ќе се трча во 7 града – Скопје, Струмица, Крива Паланка, Битола, Велес, Струга и Тетово, со една единствена цел: да му подадеме рака на Кочани. Од таму велат дека на 25 мај, нема да трча за резултати, ниту пак за награди – ќе се трча за солидарност и за вредности кои нѐ дефинираат како општество и како заедница
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
