На 20 ти декември (сабота) во хотел Пандев во Струмица, Македонската заедница на колекционери ќе ја реализира изложба на сликички, картички и сувенири од најзначајните моменти во светот на фудбалот – настан на македонските колекционери Macedonia Collectors SHOW 2025 – Chapter 2.0. Изложбата ќе биде отворена во 11 часот и ќе трае до 17 часот период кога сите лубители на колекционерството па и на фудбалот ќе може да видат илјадници експонати од самолепливи картички, фудбалски сетови, потпишани од звучни имиња но и се онаа што значи фудбалска колекционерска пасија.
Посетителите ќе се запознаат со едукативно-информативна изложба на колекција од вредни, ретки, уникатни и интересни предмети поврзани со историјата на македонскиот фудбал. Како најголем град во југоисточниот дел на државата, Струмица има богата фудбалска историја и голем број на познати фудбалери потекнуваат токму од овој град. Конкретно може да се виде колеција составена од најдобриот македонски фудбалер во историјата Горан Пандев, Благој Истатов, Васил Рингов, Атанас Грнчаров, Ацо Стојков, Игор Ѓузелов, Сашко Пандев, Горан Попов, Роберт Попов, Горан Мазнов, Зоран Балдовалиев, Ѓорѓи Танушев, Јани Атанасов и многу други кои постигнале значаен придонес за развојот на националниот и клупски фудбал во државата.
Во рамки на настанот предвидена е панел дискусија помеѓу присутните за размена на искуства, споделување на знаења стекнати во минатото и најновите вести од светот на колекционерството.
Ваков настан за прв пат во државата и втор пат воопшто на балканот се одржа минатата година во Радовиш со бројно присуство и посебен интерес кај најмладите. Присутните ќе имаат можност да извршат и директна размена. Влезот е слободен за сите колекционери и присутни.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
