Општина Василево и подружницата на Независниот синдикат на полициски службеници при Струмица потпишаа договор за соработка, објави општина Василево на својата веб страна. Договорот го потпиша градоначалникот Славе Андонов и претседателот на синдикалната организација Миле Милески
Како што стои во објавената информација, општина Василево, по предлог на Комисија формирана од Независниот синдикат од ПС Струмица, презема обврски, да започне со избор на најдобар полицаец на општина Василево со место на вработување во ПС Струмица и за него да обезбеди и парична награда во висина од 18 000 денари.
Исто така општината, за потребите на полициските службеници, бесплатно ја става на користење спортската сала во Василево.
„Со оваа иницијатива која ќе се спроведува во континуитет секоја година, ќе допринесеме за мотивираност и соработка со полициските службеници што дополнително ќе се одрази на безбедноста на самата општина“, напиша на својот ФБ профил, градоначалникот на општина Василево Славе Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
