Вчера во близина на крстосница „Богородица“ на локалниот пат Гевгелија – Богданци, полициски службеници од Полициската станица за граничен надзор и граничен премин Богородица забележале како од патничко возило „мерцедес“ излегле повеќе лица мигранти. Според полицијата веднаш потоа возилото продолжило во правец на автопатот А1 кон наплатната рампа Смоквица и не застанало на знак за запирање даден од полициските службеници.
По преземени мерки и пребарување на теренот биле пронајдени 13 лица мигранти од Сирија, а било пронајдено и возилото. Мигрантите биле спроведени во Прифатно-транзитниот центар „Винојуг“ во Гевгелија. Се преземаат мерки за расчистување на случајот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
