На местото на зградата на Стариот суд којашто е во руинирана состојба, ќе се гради Митрополија на Струмичката епархија, објави Општина Струмица на својата веб страна. Како што стои во нивната информацијата Советот на Општина Струмица на 48 – та седница донел едногласно одлука за давање на трајно користење на објект на МПЦ – Струмичка Православна епархија. Објектот ќе се даде за да може на истата локација се гради Митрополија истакнал градоначалникот на Струмица Костадин Костадинов објаснувајки ја одлуката пред Советот.
,, Мора да признаеме дека сме една од ретките Општини, една од ретките епархии коишто немаат своја Митрополија и тоа мораме да го корегираме. За таа цел одлучивме Стариот суд за кој што од страна на Општината се обезбедени заштитно-конзерваторски извештаи, изготвен е проект, изготвена е пресметка и за рушење и за градење на Митрополијата и би сакал со нив да ги запознаам и советниците и граѓаните. Потребните средства за рушење би биле 1.404.962 денари, а за изградба на Митрополијата 31.257.631 денар согласно пресметките. Убеден сум дека Струмичката епархија заедно со силна поддршка на општина Струмица и заедно со многу одговорни компании ќе успееат да го реализираат она што навистина го заслужуваат верниците од општина Струмица. Имаше многу предлози што да биде, како да биде, но сметам дека ова е вистинскиот начин“ потенцирал градоначалникот Костадинов.
фото: Кире Пиличев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
