Македонија ќе отвори две дополнителни ленти за излез и една дополнителна за влез на товарни возила на граничниот премин Богородица на македонско грчката граница. Вака најави министерот за внатрешни работи Панче Тошковски на на заедничка прес-конференција со неговиот литвански колега.
Отворањето на дополнителни ленти на ГП Богородица кон соседна Грција се должи заради зголемениот притисок од патници секој летен период како од земјава така и од регионот кој граничниот премин кај Гевглија го користат на пат кон грчкото крајбрежје. Сето тоа резултира со долги редици и чекање со часови што предизвикува и нервози кај патниците.
Грчкиот премиер Кирјакос Мицотакис веќе најави целосна реконструкција на граничниот премин Евзони, со цел да се забрза протокот на патници и стока на јужната граница а министерот Тошковски планира товарниот сообраќај да се пренасочи преку посебен граничен премин, онака како што тоа во моментов го прави Грција.
Во април годинава диркторот на Бирото за јавна безбедност при Министерството за внатрешни работи Александар Јанев присуствуваше на граничниот премин Дојран каде ги промовираше двете нови конторлни точни односно двете нови линии за премин на границата. Со двете нови линии за премин – влез и излез од земјава, драстично ќе се забрза протокот на возила и патници на граничниот премин Дојран на македонско грчката граница.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
