На граничниот премин „Богородица“, на излез од државата вчера во 22 и 45 часот е приведен криумчар на мигранти во чие товарно возило со полуприколка се пронајдени 15 лица од Кина, од кои едно е малолетно, информираат од Министерството за внатрешни работи (МВР). Станува збор за лице од Босна и Херцеговина со иницијали М.А.(38). Тој го управувал товарното возило „мерцедес“ со полуприколка со босански национални ознаки,каде што биле пронајдени 15 мигранти од Кина,
Известен е јавен обвинител од ОЈО за ГОКК Скопје и поради постоење на основи на сомневање дека сторил кривично дело „криумчарење на мигранти“ по чл. 418-б ст.4, а во врска со ст.2 од КЗ, против М.А. ќе биде поднесена соодветна пријава, мигрантите биле пренесени во Прифатно-транзитниот центар Гевгелија.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
