Во организација на Домот на Културата ,,Бранд Петрушев“ а со поддршка на Општина Богданци, во Градскиот парк денеска се одржа детската АПРИЛИЈАДА. Голем бој на дечиња, организирани од училиштата и градинките ги покажаа своите креации кои носеа силни пораки до сите присутни.
Шаренило од бои, интересни маски со ликови од секојдневниот живот, природата, историјата, музиката беа само дел од костимите кои најмладите ги носеа и ги презентираа. Сите имаа своја порака. Некои дека мора да се грижиме за животната средина, други да бидеме одговорни во сообраќајот, трети дека треба да бидеме хумани, четврти дека музиката обединува…… Сето тоа преку имагинацијата на учениците и дечињата со своите наставници и родители ги подготвиле маските.
На крајот од програмата согласно однапред утврдени критериуми, комисијата ги оцени и награди учесниците со освоено прво, второ и трето место. Според комисијата „Бугданска пруљетна зељка“ беше најкреатвина и го понесе чекот од 20 илјади денари. (В.Трајков /фото Боки Марков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
