Интензивно се работи на уредување на плажата ,,Stage beach‘‘ во населбата Карач во Дојран која според најавите на концесионерот треба да биде ставена во функција за стартот на Европското првенство во фудбал или кон средината на идниот месец. Како што не информираше Тони Спиркоски Тото станува збор за плажа која ќе ги има сите потребни елементи за вистинско уживање покрај Дојранското крајбрежје
Станува збор за поранешната плажа ,,Св Никола’’ која се наога веднаш спроти паркинг просторот на Гранит која е на површина од 6 000 квадратни метри. Истата треба да биде со три нивоа за плажирање со соодветни шанкови за пијалоци. Според најавите од Спиркоски плажата се очекува да има околу капацитет од 600 гости. Таму ќе има паркинг простор, детско рекреативно катче, шанкови за освежување, ресторан за брза храна.
Деновиве се очекува да бидат посиепна плажата со нов песок и да се монтираат лежалките а паралелно целосно е расчистено и езерото од било каква вегетација. Како што подвлече Тото плажата ќе биде со сите нишани за вистинско уживање на сите гости и посетители а се планираат и одредени летни забави и гостувања на познати естрадни уметници
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
