На 12 ти октомври треба да стартува Општинската фудбалска лига на Струмица во која ќе учествуваат вкупно осум екипи од струмичко радовишкиот регион. Станува збор за фудбалски тимови од Ново Село, Куклиш, Дрвош, Радово, Балдовци, Пиперево, Добрејци и Злеово кои веќе интензивно се подготвуваат за стартот. Освен што екипите се спремаат, раководствата на клубовите ги подготвуваат и терените на кои ќе се играат мечевите по принципот секој со секого.
Станува збор за проект кој го најави новиот претседател на ОФС Струмица Илија Илиев – Ромата кој по пауза од над десетина години ја возобновува Општинската лига која има за цел да го потикне спортскиот дух во населените места и приближување на фудбалот во руралните средини за да овој спорт стане магнет за повеќе деца и млади.
Деновиве преставниците на фудбалските клубови од Општинската лига добија фудбалски топки од ОФС Струмица кои ФФМ ги донираше. ОФС Струмица како одговорен за лигата во соработка со ФФМ постојано ќе биде поддршка на клубовите кои ќе се натпреваруваат во оваа лига.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
