Месецов би требало да има промоција на документарниот филм посветен на војводата Ристоман Попчевски кој извршил атентат на пругата од Скопје кон Солун кај Гевелија во 1904 година. Вака најави авторот на филмот, младиот историчар Кирил Ѓорѓиев од Струмица кој тврди дека станува збор за филм во кој се објаснува ликот и делото на војводата Ристоман од Попчево Струмичко во борбата за независна Македонија.
,, Тоа е локален војвода од Попчево а поводот е 120 годишнината од неговиот подвиг и неговата смрт. Се интересирам за локалната историја а многу ми помогна и Иван Котев фолклорист кој има собрано многу за овој револуционер. Секој млад човек треба да се интересира за своите корени и историјата на својот народ“, вели кој кажа дека филмот кој е поддржан од Општина Струмица.
Ристоман Попчевски е војвода од постилинденскиот период. Ристоман го има жртвувано животот за слободна и независна Македонија. Тој на почетокот на јули јули 1904 година, од Окружниот комитет добил задача за подметнување темпирана бомба на мостот на реката Вардар по железничката линија Скопје – Солун. По неуспешниот обид меѓу другото бил уапсен Попчевски. (M.K)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
