Здружението Скај Плус од Струмица се вклучи во одбелечувањето 16 те дена за борба против родово базирано насилство. Нивни волонтери и активисти на струмичкиот плоштад делеа флаери со информации за начинот на пријавување , решавање и згрижување на жртвите на семејно насилство.
Во Струмица веќе две години функционира Шелтер центар, а годинава досега се згрижени 18 жртви на семејно насилство. Како што изјави Катерина Дафчева од Скај Плус, семејното насилство потешко се детектира во руралните средини, бидејќи таму е потешко да се урнат стереотипите и предрасудите кои постојат за насилството.
Инаку во Струмица наскоро ќе се отвори и советувалиште за жртви на семејно насилство каде ќе се овозможи психосоцијална подршка на жртвите за ресоцијализација и реинтеграција во заедницата.
Годишно над 200 случаи на семејно насилство се пријавуваат во Струмичко и таа бројка е константна
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
