Одбојкарките на Наковски Волеј утре го играат мечот на есенската полусезона. На свој терен го пречекуваат тимот на Работнички Скопје кој се смета за фаворит за освојување на одбојкарските круни, но киксна на гостувањето кај дебитантот Струмица Жениод кого го претрпе едиснтвениот пораз. Наковски како првопласиран Работнички како втор, утревечер во салата на СОУ Димитар Влаховво Струмица со почеток во 18 часот влегуваат во директната пресметка за тоа кој е кој во женскиот одбојкарски шампионат.
Наковски Волеј нема пораз. Најавува борбена игра и без респект против Работнички кој пак нема право на нов кикс во Струмица. Избраничките на Митев и Наковски ја имаат предноста од домашен терен но и поддршката од верната публика која се очекува да ја исполни салата на Димитар Влахов. Јосип Христов и Марјан Давитков се судии на дербито кое треба да стави печат кој ќе биде на пол позицијата пред втората фаза на првенството
Виктори Волеј утре во салата Партизан со почеток во 16 часот го пречекува Вардар Жени од Скопје. Натпревар кој исто така ќе биде возбудлив. Вардарки се на третата позиција а ,,Викторијанки’’ петти. Девојките на Јанков предводени од искусните Илков и Василева немаат право на кикс со оглед дека во втората фаза во желбата за плеј офф се пренесуваат бодовите.
Изненадувањето во првенството тимот на Струмица Жени во 18 часот во сала Парк ќе го угости битолски Пелистер. Битолчанки сакаат да фатат приклучок во Топ 6 екипите но дебитантот, избраничките на Милев и Божијанова ја меркаат водечката тројка. И во салата Парк се очекува интересен меч во кој струмичанки се сметаат за фаворитки но тоа треба да го оправдат и на терен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
